Frétt fengin af www.hestafrettir.is 
Meistaradeild æskunnar og Lífland undirrituðu samning þar sem Lífland verður aðal styrktaraðili
mótaraðarinnar og mun deildin heita Meistaradeild Líflands og æskunnar.
Samningur þess efnis var undirritaður í dag og bauð Lífland öllum 50 keppendunum í
verslun sína í því tilefni og gátu keppendur verslað hestavörur á verulega góðum afslætti.
Þórir Haraldsson undirritaði samninginn fyrir hönd Líflands og gat hann meðal annars þess að það
væri heiður fyrir Lífland að styrkja unga hestamenn til frekari afreka í hestamennskunni. Aðstandendur keppninnar þakka Þóri og Líflandi kærlega fyrir stuðningin.
Sjá myndband https://www.youtube.com/watch?v=WwiySQRluL0#action=share
Meistaradeild Líflands og æskunnar er mótaröð þar sem keppa tíu lið
með fimm liðsmenn innanborðs og er deildin bæði liðakeppni og einstaklingskeppni.
Mótin verða fimm í vetur og hefjast leikar þann 19. febrúar nk. með keppni í fjórgangi.
Að sjálfssögðu verður frítt inn á öll mótin sem fara fram í TM-Reiðhöllinni og hvetjum við
alla til að fylgjast vel með í vetur og styðja þessa ungu og duglegu hestamenn í sinni íþrótt því að þeir eru framtíðin.